مجاراة بين حجاج والقلع :

 

حجاج :

يانفسي قط ماتهِمـي

من الشلهـتة روقي وشـوية أنجمــي

ربط اللسـان الفيهـو ودر دمــــي

الصـح إنتقـل من الفقـير  للأُمــي

 

القلع :

كون صاحِب فِكِر عِم الجسد بي ثوبـك

انظر في التُراب لبنك إن فات رُوبــك

لو كان سُفرة أكلك والعسل مشروبــك

أهـل العِـز كـتار إتلقيِ إحقروبــك

بين بطـعنوك خليِ البشيل عرقُوبــك

ليـك يومــاً ملكــين إتخالوبــك

المـال لي وريثـهُ وللعادمين سلوبـك

 

حجاج :

البـر والبحـر كُـل البلـد دقشـنـاه

الأمـر الغمـيس بي بصـة فتشـنـاه

الجـار والرفـيق بي شـينة ما نُشنـاه

الله يقِدو ليك صـرف النظـر مشنـاه

 

القلع :

المجالس بالأمانة وعرض الرجال حُشنـاه

مسكـنا الفـيهو زبـدة مشــينا بلشنـاه

كـان صاحِب عـداوة بسـطناه وفرشنـاه

يـوم بانت ضـريبة في سـاعة كلبشنـاه

 

القلع :

كل ماتركـت سـيئة تعقبها سيئةً نــادرة

شقيش ماعملت حسنةً ألقى العيون لي حادرة

لي عاقة القريب في ناس عقـولٌ حـاضرة

كـل مـا تأمــنهُ إديـك حـرباً بـادرة

 

حجاج :

المجــالـس بالأمـانـة

والخــويدم مي عارفانـا

اتفرقـوا عـرب البقانـة

خلوا حجاج في الضمانـة

 

المجالس داجة ديمـــة

والغريب ماليهو قيمــة

اتفرقوا عرب اللميمــة

وخلوا حجاج أبو حليمـة

 

عمارنا بقوا بـلاش

وما فيهم من يسكت للكـراع إن داش

رفاقاتي مالقيت فيهم أخو الفشفــاش

كضيبات الدرت ما بتلقن في رشـاش

إتكرفسـت الأيام وإدمر الحــراش1

طـرني زمـان الدرقـة والتركـاش

فاقد ود أخوى ابو رِسوة إيد القــاش

موجـوع لي على زولاً هِنا وغشـاش

 

_____________________

1-   الحراش = (السلاح)

 

أبوساري