مجاراة بين حجاج وآدم ود فحل :

 

 

آدم :

سمِـح السِجَــار والإنجـليز الجابـــــو

الحـرات سمِـح وكـتين يصـح تيرابـــو

الخاتر سمِـح وكـتين إعـود لي عقابـــو

مثل السـردار وكـتين يقـيف عند بابـــو

 

حجاج :

سمـاح السجـــار مسخــــــــوت

يشغـل للفِكِـر ونـارو مابتمـــــــوت

سمحـة الركـبة فـوق الضـنقلي المربـوط

سمح الضيف يجيك من غير عروض مايفـوت

وسمـح الزول إياخد العرضة في البنـــوت

وأسمح منهن الصـوم والصـلاة يــــوت

تستغـفر كـتير تلـزم شهــادة المـــوت

 

آدم :

سمح السجـار لي من يمسكو ويلفـــــوا

سمح التباكو لي من إكِسـرو ويسِفـــــو

سمحين أهل الدبش البي قفـاهو برفــــو

سمحين أهلي التُقال الفي الكُـتال ما بخِفــوا

 

حجاج :

سمـــاح السجـــار  مـو حســـين

يشغِل الفِكِر جمـره وكـدوس الطيــــن

سمحة الركـبة فـوق النايبو سايكو سنيــن

سمـح المــال يكــون معــاهُ بنيـن

سمـح الوالِـد يـورث جــناه الطـيـن

سمِـح أولاد أبـوك الكـلهم قاعــديـن

أسمـح منهــن الإعـــتقاد في الديـن

الصـوم والصــلاة والحجـة للحرميـن

 

آدم :

سمــح السجـــار في الســـــوق

وسمـح الحـديث يلقى السكر مطبـــوق

سمحـات البنـات من جُمـلة المخلــوق

 

حجاج :

مانـي الغشـــيم أب رويحــتن كـــرت

بصبر على البجيني إن بِقى باردة وإن بقى حرت

سمحتين عندي وفي شينتِن ما بتــــــورط

 

 

 

أبوساري