| . | |
|
عم
جَاد الله
الله يِـعين نـاسْ الحِلة … الله يساعد العم جاد الله الله يكتل الشاهودانْ عم جاد الله قام إتوضا ويمَّـمْ
وصَـلى … صُبحـاً حاضِرْ ونَفـسو رَضية ونور البركة الضَّـوا جَـبينـو وقال إنشاء الله صُبحـاً زينْ شَـدّ حمارو الأبيض وفوق اللِبدة
الصوفْ رَبَـطْ اللَّبـاب .. سرجو
الماهِلْ .. شالْ طُوريتو وحبل التيل والبَربندى .. وباقى
ملوده وجكاكتينْ وقال بسمْ الله وجاتْ أم أحمد شايلة الجبنة
وشايلة وِقايةْ وزى بِسكِلـة وكورة موية
وفنجانين هوى يا الزين جِبتَ فطورَكْ … وجِبتَ القَهوة إنشاء الله تكون خطواتَكْ ديمـة
عديلة وخاتية الشينْ سَوو الإتنين … مع نَسَّـام الدَقشْ الهَبَّ
شراب الهينْ وشال الزاد الكان فى بِسلـة كِسرةً مُـرَّة وحـبَّة مِلحـة … شوية شـطَّة وبصلة صغيرة … وحَـبَّة زيت وقال يا الله حمارو الأبيض حافِظْ سـيرو وخاتى
الحِـلّة وصل حواشتو الما غابياهو .. وأول
بيت ومشى إتقدّل زى العِندو تلاتة
حصينْ مسك الجدول من شِقين … تِـيرَبْ وكَدّبْ .. وشَـلّخ
وحَـشّ وقال فرحان الوَطة مانِضفَتْ … وأب عشرين عِدمْ القَـشّة رجع الحِـلة وفرحتو كانت فرحة
حـولْ رجع الحلـّة وكانت فرحتو فى كل
زول رجع الحـلة وكان عشمانْ فى رَبو
كَتير نُصّ الليل .. الناس هجسَـتْ شِخـِّير حمدان الزى غلاية وكلب التوم الجنبو بيـنبحْ النَبـحى البِطـرُدْ شَـبحْ
الخُـوفْ وصحى جاد الله وقام إتدعى المطرة
تشيلْ وقبل يتم دعواتو الصالحـة المطرة
تشيلْ برقـاً شَـفّ … ورعـداً
دَوّا وقامتْ عَـوّا الحيطة .. المجرى .. المطرة ..
الطينْ الحُـفرة .. الحَطـبْ ..
الكِـسـرةْ وعـوووك الموية تسيـلْ حجم خسـائر الحـلة تلاتة ديوك
الحاجة نفيسـة .. وكلب السُـرة وحيطـة الباهـى ومَرتْ أب زيد
حفرة دُخـانْ خسـارة تهونْ فى شانْ الخيـر الله قِبـل دعـوات العم جاد الله الأرض الشِـربتْ موية السـما
بالحيـلْ ولاّدةْ الناس الكَرَفتْ عرق الحى الناس الوارثـة حنان الدَمْ من
أجدادا ورا جاد الله إتوضـوا وصَـلوا
وزادوا عِـبادةْ وبان الباهـى وخبر الباهى خبراً
زينْ قال لاقـاهُ على أب عشرينْ أب قرن
الصَمـدْ الشُـغلو يجيبْ أخبار المكتب
للزارعينْ الخير آناس المكتب جاب الكيماوى عمن أول كان لى كل شوال تدفع
طَرّادةْ ورسوم ترحيل جُوّة التَقـنَتْ
تدفع قرشينْ السنة آناس لا طرّادة لا قرشين المكتَبْ قال الشيـل بالدينْ لكن آناس فى أوّلْ صَرفـة بشـيلْ
حَقـو رِبح الطَرّادة تمانية جنيه وربح القرشين خمسـة وتمـانينْ وأهلى الطيبين لا عارفين معناة
أرباح … ولا عارفين عـدَ التَمـانينْ شالو الكيماوى ما عارفين مكتوب
بحروف الكريسـستينْ كيماوى العِـينةْ الشاهودان …
|
