| . | |
|
يا
رزينة يا رزينة ويا
رذاذ بلّل
مسافاتي
الحزينة لملِم معاي
تعب العمر عمر السنين
في وجيها زينة ******** تتذكري كيف
السفر أيام
ربيعنا
وعهدنا
كنا بنحلق بي
هوانا في
فضانا وحدنا أحلامنا من
مرح الصبا دنياكِ
نورنا وسعدنا شدتنا بي صمت
الجمال وجمال حديثك شدّنا أشجانا من
خلف المدى ومداه عايش
جوه فينا ******** بذكر أنا همس
السواقي والتلاقي
والعصافير
عندنا تغني بي وعد
الأمل وجناحها
حاضن وعدنا مسرح جميل
حافيهو نيل عزز وجودنا
ومجدنا وسقانا من
كاس الهوى أجمل كؤوس
بتمدنا زاد الصبر
زاد الطريق مهما قصِر أو
طال علينا ******** يا سمحة لو
جفَّ المداد هدد حروفنا
وهدنا أو الزمن
أعيا الفؤاد بلقى في
عيونك ردنا بلقاكِ يا
أجمل ربيع ميَّل غصونو
عليّ دنا أنفاسو جن
هجعة شجن قطرات رحيق
من ودنا ظلّلني من حر
الهواجر في المهاجر
وطول سنينا ******** بهواكِ يا
مطراْ رزم زمّ العواطف
وهدّنا بلقاكِ يا
طوق النجاة والموج
بصارع ضدّنا مهما العبور
زاد في النفور أوصد مداخلو
وصدّنا بتهلّي زي
فزع الفريق حامل سيوفنا
وغمدنا محميّة من
أصلِك زمان قبَّال
حماكم
تحتوينا ******** باكر تطِل
شمس الظهيرة وتنتصر لي
وجدنا أطيافو من
طين البلد وعرق جبينّا
وكدنا تسقط مسافات
الزمان من المكان من
بعدنا وتذوب
كويمات
الجليد من الحدود لي
حدّنا تنساب
ينابيع الفرح تسعد قلوب
تايهه وحنينة ******** بهديكِ يا
أحلى العطور أجمل عطر من
وردنا شاتلِنّو
فوق رمل الحشا نكهة عشانا
وشهدنا راوينّو من
موية العيون بصمة ديارنا ويدّنا فايح ربيع
فجر الأمل مرتع صبانا
ومهدنا مهد البراعم
والبنيات
النواعم والدروع
الحامية لينا ******** بهديك كمان
لوحة حروف بتضّوي نور
من بعدنا إحساسي بيك
أنغام وتر لامس مقاطعي
ودندنا رضيان أنا
أصلو الرضا صبغة حياتنا
وديدنا طالبين رضاك
ياربنا وراجين قبولك
حمدنا الدنيا تلبس
توب سفر والناس تعيش
لحظات أمينة
|
