| . | |
|
شعر حجاج للمك ناصِر : مك ودمك قديم قـبال إجي العصملي خبرك من مصـر ضابط إجي مدلي الأرباب جليس الفي الكُجر مُجلــي كم كسـر كنائس الكافر الما بصلـي *** الليلة هاش دقراً مراصع الهام قمصانه شاش الخاصمك تعـبان زدته إنطقـاش خليت قينايته تسوح من غير قماش *** دقر الكنيسة أم رومه السحة حارقـو فوق قلبي الخصيم جرجر مطارقـو على بلـد النِجِـس فـرطاً بوارقـو هوجي وموجي جات أنا وين بفارقو ؟؟ *** الليلة الأرباب أصـبح منكـرِب بالسِم راقد في الرضـيم لمن ضحوتو تتِـم قرجـيك منبسـط ليلو ونهـارُ بِنِـم وكتلك في النِجِس ناس أب جبيرة وكم *** قـــرقــر ليـــك قــال أسـداً بكـتل الزول نص النهــار راكب على الهـبك ما هن كــدار بنهمك الصباح في سيدي أب جمال شوفو خصيمُ ليك حسب الضــلال جمل العدو العاداك نطح الجِبــال هـاج ثـلاثة سنين فحل الكُبــار بِغمِسِن تور فوق تورصبي الرجال *** أبو نُقُـل وخصيلـة مو شـيخ التُرُك موهو قـويد الحيلـة أب راياً وسيع في الشـورة والتدبيـرة رحـل الكُـحُل الما بتـوازنو عديلـة أب كـفاً مهـل ما بمد عطايتو قليلـة جسـاس المعـيز الخمـرتن عِطيـرة الأرباب عريس كاجاً واضربوا صغيرة الدرت الببـذل المـوج مـع التنيـرة قِرش المالِح إن ضرب السفينة بشيلـة *** تلقاه في الأرض من السمـوم بتقلـى تلقاه في الغيب حبس القنيص والفـرة إدرن حجـر الوارِد ودرب الحِـلـة يا عابي المسُور الما بقـوم في قِلـة إن لحظك ترى عقـلك بقى في خلـة إن هبشك قضيت ما فيك سبب بالمرة الأرباب عريس العنكسـة ام كنتلـة الحـرز البِقـدِلن بيك بنـات الحِلـة *** تلقى السمـاء فوق الحمار إجي نــازل تلقى في الخـلا نازل وحـيده معــازل عفريت الخيول اللي ضُهـورن فــازِر عِجل اُم صومة الكُل ليلة بجدع بــازِل *** بازل اُم بلـيل اللي الخـدار ما بـِرعى فوق ضهره العبد دلاعته حامية الجـرعة يا أب ربطاً نجــيض مـو شــرعة يا البحــر الفلـــق مــاك تُـرعة رايك للرُجـال كـيف القسـام بالقُرعة إتنيـت رقـد تب ما اتلقـتلك جُـرعة ناصِر للخصيم مرض أُم غِزيل الصرعة *** حـديثك حار وبارِد كـلو لينا بفيــد ومن جدك وأبوك إت للسـراية عقيـد فرنتالك لي راس الخيول لي جضيـض حـوبتك قـربت مثـل الدِقـن للييـد *** حـديثك حار وبارد كلُ لينا عقـارب هدوك من عِشا أصبح تدقش القـارب فرنتالك على رأس الخيول متكـارب وحوبتك قربت مثل الدِقـن للشـارب أبوساري
|
