إلفـــة

لما اشتاق لى عيونك

يصرخ الشوق ليك ينادى

ولما قلبك يحسو شوقى

ويبدا يرجف فى بعادى

ابقى اعرفى انى رايدك

وانى ضاميك فى فؤادى

وانى دايما فيك بفكر

وراجى تتلاقى الاتادى

اشان اشيلك جوه قلبى

وابقى بيك زول اعتيادى

ابقى انسان كل همو

انو جنبك كل يوم فى

ريدو بادى

وانو كل ما ريدو يكتر

لسه شايف ريدو عادى

يلأقولى البينا الفه

وانو بنحس بى بعضنا

وانو ناتج ريدنا افرز

دمنا البهو ارتبطنا

حتى قانون ريدنا واحد

انو اصلا نحن واحد

ضدفة اثنين انقسمنا

نختزل فى روحنا ريدنا

ونبقى للقسمة اختصرنا

ونتفق فى شوقنا فى

احساسنا

ويتوحد نفسنا

ويبقى ده الشكل الاساسا

جينا اصلا منو نحن

شكا قلبى وفيهو نبضك

جينا بيهن واتخلقنا

ونمشى نتوكل عليهن

نمشى ونواصل سفرنا

وتبقى رايدانى واريدك

ريده لى آخر عمرنا