| . | |
مَرثِيَةْ
السِـتْ
كانت البِتْ إسمها
السِـتْ وَنَسَـتَه
الموية فى رِمالَه سَـمحَة تشبه ناس
( بُثينة) فى الضحك
والإنشِـغاله لونها طلحات
شَـقَقُوهِنْ والخريف الحلة
جالا لومسافرين
تَجهزْ أول ماها مَشغوله بى
دَلاله مادلالة كُحل
طبيعى والرُموش ضَرا
مِنْ سُؤالا زى كلامَه عَسَلْ
يتاما فى حَكاوينا
الطِوالا وينو فى عيونا
وناس عباس مطاردين الغزالة ؟!! وينو شَاشْ
الزِير إهَبْهِبْ …
والمِلايات العُدالا وينو ليمونا
المُسَكَّر …
يجرى فى عروق الكسالى وينا بسمتا
الدفاية سكنت ثغرها بَوَّاسْ جُهالا لما شلناها فى
كُتوفنا …
لابسة أبيض لون ضميرا لما بالليل ناموا
كل الناس صِبحْ بارد سريره والآذان الصوتو
رايح فى السَّكاليب المريرة وينا ضحكتا
الكانت علينا حنة وضريرة ؟
يالخريف الجيت
تواسى …
والحزن كاسى الجزيرة ليه يلازم الموت
جزيرتك …
إستبيح لَبَنا وطيورا ؟ وينو ناره الكان تدفّي الحارة يوم فى الليل
تزورَه وينو شُفع
إذاكروا جنبها .. وينو عمها يستشيرا ؟ وينو صندوقا
البِشيلو عندو فى طي السريرة ؟ وينو طُوبا
الفوقو تمشى …
فى الصباحات المطيرة؟ وين طَباشيرا
المُعطَّر وينو يا أخ جَرسْ فطورة ؟ وينو توقيعا
المميز …
فى الكراريس الكتيره ؟ وينو آه .. شاى
العِصير وين كبابيها
وبخورا يالخريف الجيت
تواسى …
والحزن كاسى الجزيره ليه يلازم الموت
جزيرتك …
يستبح لبنا وطيورا وينو يعقوب وينو
خالى وينا طابت وود
سُرورا ؟ في البيوت الوحشة
سكنت … أصبحت باكية فى
قبورا
|
