| . | |
حلمةْ في تبوكْحلمانْ
البارحْ بالسودانْ عَيَّشْ بالحيلْ ناسْ كَنَّـان إتعشوا
دُخـنْ .. والقَنقَرْ عايمْ في النيلْ والحصاحيصا عليها سحابْ
أخضرْ .. ورفاعـةْ صباحها جميلْ والعرباتْ الصَـبقنْ شمسَ
الغـيبةْ وقَصدنْ طـابتْ طابتْ نَفسِكْ يا ام تهليلْ الليمون إتمايلْ .. فرحةْ
لون معروفْ معشوقْ من جيل لى جيلْ والرِمشْ الفارِدْ ظِـلو
على روحي وعمري كالعادة ظليلْ ****** حلمان البارِحْ بالسودانْ ..
وريحة البُنْ فى
العَصريَّةْ في الحواتةْ محطة سكة حديدْ
.. قِرشينْ الفرخة
المَشـويَّةْ تلاتةْ شِلِنْ والبَسمـة
هُـوادة .. من الودعاتْ المَنسِيَّةْ والطَـارْ في شَندي بِلاشْ
.. ما المادِحْ رافِضْ غير
شُكر الله هديَّة وجنوب طايرينْ فى الجَـو
غِـربانْ .. ضَحكاتْ الزول صافى
النِـيَّة حِـرابُنْ فيها الريشْ
ألوانْ .. يِصـطادوا غَزالاتْ
وهمـيَّةِ ويضَـحِكوا في لَمَّـةْ
نِسـوانْ .. واقفاتْ لحظاتْ لي
مَـعَدِيَّـةْ والأطفالْ راكبينْ عَجلات
سمحاتْ .. والنوبـةْ مَواتـِر
بَمبِيـَّةْ والمغتربينْ رَجعوا
السودانْ .. وسابوا (العَشرة الفِي
الميَّـةْ) والحاجاتْ مَـلَتْ
السودانْ .. لا صَـفْ لا وقفَةْ
دُغشِـيَّـةْ والكانوا ضُعـافْ
إنْقَـلبوا سُـمـانْ .. والكانْ ممنوعْ بِقى
جَـمعِيَّة ******* والبترولْ دَفَـقْ
السودانْ .. والعُمَّـالْ بِقـوا
تَقيانينْ والبِترولْ دَفـقْ
السودانْ .. وناسْ (العاقِبْ) ضـاقوا
التِينْ مَـرارة وشَـيَّـة ولحمة
ضَـانْ .. وعَـرَّسـوا كل الزهجانينْ أدو بكاسى أم دُر والجيلي .. هدية لتشادْ والمُحتاجينْ وبَـص القوز الكان بتنَفَّس
ياالله .. بِقى ليموزينْ والشَماشةْ الكانو
بِسـِبوا الدين .. بِقوا ناس راقينْ وأبْ فَرَّار فارقْ سِنـارْ
.. واللُـماتْ شِبعَـنْ
زِغريتْ أب فرَّار فارقْ سِـنارْ .. والورتابْ سـابْ ضُـلَّ
البيتْ أب فرار .. أب فرار .. أمسك يا
زول تِتِرِب أصحـى أنا زي شيطْ ولـما صحيتْ وعيوني دموعْ
فاضَـتْ فَرحـة … لقيتْ أحوال أخواني في (تَبوكْ)
ما مُنشرحةْ واحد بيكتبْ … يُمَّـةْ التوبْ الزايِدْ
كُلْ بِتْ طَـرحةْ والحيطة القِدام دُر دُر
جِدي .. زِيدوها قليل بعد السـَرحة والوِرْدَة أكان ما
فَكَّتْكُمْ .. والقَبضـَة أكانْ ما
خَـلتكُم .. أخوى (الباهي) تجي الخَرطومْ
.. تشيل البيبسي ودَوا القُـحة
وما تضَيِّعلَكْ يوم في
رغيفْ .. غَداكْ بي كِسرتنا
السَـمحةْ ترجَعْ بَدرى مع الباصات .. تلقى الحِلَّة بتسترخى بابنا الفاتح ديمَـة يقابلك.. وتدخُل (تُوووش) زى
الفَـرحةْ جِيتْ آآ الباهي .. أمسكي يا
بِنيَّة .. البيبسي .. كِيسْ المـوزْ ..
البيتْ يِصحـى
|
