| . | |
بِنَيّـة عَسَـلْ
فى
عِينيهـا عـزّة قديمـةْ … زى
سِنـارْ زمنْ الفـونْجْ مراكِبْ
فى سواحِـلْ جَـدّةْ … خايفَـات
الرياحْ والمُـوجْ صِيـاحْ
أنصـارْ تِحِـتْ تَقَـلى … زغَـاريدْ
والحُصـانْ مَسْـروجْ ********
بِنَيّـة
عَسَـلْ حزينْ حُـزْنْ المَهـابَةْ وَنَسْـة
الحِلوةْ أجراسْ القوافِـلْ تَبيتْ
فى الشامْ … طَرَفْ مَـكَةْ
وشِعـابا كلامَه
.. سلامَـه … هَشَـاتْ
المَقـاديفْ ... زى
بُروقْ فى النِيلْ حبَابا لو
طَرّزَتْ بِتْ شـالْ وزِيرْ … فى
سوبا أيام الجوجَوَةْ أو
عَـدُّوا من أم ضَـو … دراويشْ
زى ضاقُـوا الشَوشَوَة أو
قَبْل التُرُكْ .. القِدامْ فى نِـيمة … تاريخْ
وانطَـوى أو
مَـرُّوا بيها عِـيالْ جَـعَلْ … لابسِينْ
طواقى الجَوجَوة أو
خِيلْ تفتِّشْ المكْ نِمـرْ … تارْ
الصِـبَى الإنشَـوى كانْ
شوقـى مكتولْ من زَمـانْ … الليـلَة
فى النِـيمْ إرتـَوى وشِـربنا
ليمـون يا الحَنِينْ ... وكُنّـا
فى أم درمانْ سَـوَا سَـاحَـاتْ
مَفروشَـة برِمـالْ ودِريبْ
بَديعْ اللَـولَوة المُويَـة
والبَسْمـة هِلالْ … بُثينَـة
يا بِتْ يا دَوَا
|
