| . | |
|
دايرة
صـــبر طريت
عم حامد
العرقان كم
ودي ابعشر
عـيان. طريت
السمحة لما
اطل لما
خدودها
تتورد، تقول
زهرات أصابها
بلل وضقت
الفرحة لما
تهل زي
فرحـة غـريق...
بعد في اللجة
جوة حتل تجيهو
النجـدة
فاردة ايديها
في تحـنان المتلك
يمين والله ما
نبهـش دروب
الخير،، بعد ما
غبت صابا مـلل في
زمنا رؤاه
غبش... وعند
ناسـا سماعا
طـرش!! والرزق
المقسـم
بينا،، أضحى
"خمش". وياما
كان زمن والله
ولى زمـان وخلى
الذكريات
تطرق خيال
حيران. طريت
عم حامـد
العـرقـــان كم
ودي
ابوعشـــر
عــيان... ==================== ما
بنساك يمين يا
الديمة هاشي
وباش منو
المتلك عرف
للجيرة
معناها... منو
المتلك بتب
للجاي.. مافي
طناش لكـن
الزمن غشاش.. منو
المتلك ضيوف
الهجعة كفاها منو
القدم كتير..
للناس .. وما
لقاها! وعـوراتا
كتار... والله ..
غطاها متين
النائبات
وقعت،، وما
جاها؟؟ يا
الكلك حضور في
افراحنا و
الأحزان فيك
خلاصة
الطيبة،،
وزهى
الاحسـان طريت
عم حامـد
العـرقان وكم
ودى ابعشر
عــيان.. يا
الفتحتـوا في
زمنا فعـايلو
كـتر يا
الطالعين على
أكتاف رفاتا
بات غطاها
جمر!! يا
الكملتو صبر
الناس و "
دايرة صبر " بقت
مرسومة في وش
التعابـة
عســر عم
حامد يمين كان
للبلد قنديل يضوي
الساحة لما
تصيبا عتمة
ليل كان
أمل البلد لما
الحفير يدفر
ويجينا عديل كان
ضل الفقير
الفاتو ابو
الضليل كان
أمل المريض،
كان للسماحة
دليل عم
حامد يمين كان
بقصدو
العدمـان وياما
كان... وياما
كان... وياما
كان طريت
عم حامد
العـرقـان وكم
ودى ابعشـر
عـيان ================== يا
اخـوانا
الصحايفو
مشـعة ما
بضــلم والزول
السـلف
بجـودو ما
بســـلم مهمـا
زاد ضجيج
الدنيا،،
تلقى فعايلو
تتكلم وتحكي
عن الجميل
والشـين، بلا
نقصـان دحين
لوك الصبر في
بيتك..
العمــران ما
بتخف مـوازين
التقـيل
أوزان!! ولا
بتضيع
جمـايلك ضم يا
انسـان وصدق
الشاعر
الفنان،، وكت
خـتاها في
الميزان "طريت
عم حامد
العرقان وكم
ودى ابعشـر
عـيان" =============================== شـعر
أبو السماني/
12/3/2007- الدمام.
|
