.

قصيدة بمناسبة أعياد ثورة مايو

 

ثورة مايو جاتنا وفكت الساجــــــــــــور

الشؤم إنمحى واتلاشى كل الجــــــــــور

وضعت لينا مجداً كان من قبل مهجــور

إتفاقية مصر واتعدل الدستـــــــــــــــور

                 ****

ثورة مايو بيك صار القلب مســـــــرور

السودان صبح بعد الظلام في نــــــــور

أمنتي البلاد من البغي المغــــــــــــرور

بيك ارتحنا يوت في إقامة ومــــــــرور

                 ****

ثورة مايو حفتنا بأعظم ســـــــــــــــور

برجالها الكماة الفي الجهاد نســــــــور

يات من كان على وطنه غيور وجسور

بقيادة الرئيس جعفر المنصـــــــــــــور

                 ****

جنودك في الحدود منظمين بالـــــــدور

يات من يبقى في الطيار يعرك الــــزور

عاملين بالنظام الما بعرفو الجــــــــــور

كم هرمو ورجعوا خاطرن مجبـــــــــور

                 ****

مشكلة الجنوب حليتها حلاً بـــــــــــات

بالحكم الذاتي فيها كم كسيت عــــــراة

حاربت العطش خليتو نيل وفـــــــــرات

اتفاقية جمال وأنور الســــــــــــــــادات

                 ****

خشينا الإشتراكية واشترطنا شـــــراط

واتحفينا حول الثورة بي شعــــــــارات

جنودك أقوياء ما يهمهم غـــــــــــارات

حالفين في الحدود مايدو فد  قيـــــراط

 

 

                 ****

حقيت الشكر القلتو بس نفذتـــــــــــــــــــــــو

السودان عموم من الهلاك أنقذتــــــــــــــــــو

قول أهل الإفك على الظهور نبذتـــــــــــــــــو

ياجعفر يمين فخر الأوائل حزتـــــــــــــــــــــو

                 ****

الأحزاب عموم ختيتها داخل الطـــــــــــــــوة

ساحت وانمحت بيك ورجال القـــــــــــــــــوة

ريحت الجميع من الكلام والعـــــــــــــــــــوة

والداير النجاة في مايو فليتحــــــــــــــــــوى

                 ****

لبت ليك جميع أهل طابت وفرحــــــــــــــــت

من مرض القلوب الحزبي تب إنطرحـــــــت

جيت يامايو شوف عقولنا كيف إنشرحـــــت

خشت الإشتراكية وبساتين الأماني ومرحت

                 ****

فيها المستشفى صاح ليك وأجبت نـــــــــداه

وسعت السراير وياسماح مبنــــــــــــــــــــاه

ظاهر كالشمس يخفي البدور سنـــــــــــــــاه

باسمك يسمى إنت الوضع مبــــــــــــــــــدأه

                 ****

من عند البخيت أهدالكم المنظومـــــــــــــــة

مختومة بسلام محمية حافظة نظومــــــــــة

توافي الرضا لو دارجة ومعلومـــــــــــــــــة

في دار التساجيل تعزى وتكون مكرومــــــة

 

البخيت علي أبو الضو

طابت          

أبوساري

                      

 رجوع  رجوع